Red Hat Enterprise Linux 5 ਦੇ ਇਸ ਰੀਲੀਜ਼ ਵਿੱਚ ਸ਼ਾਮਿਲ ਹਨ, ਸਟੇਟਲੈੱਸ ਲੀਨਕਸ ਲਈ ਢਾਂਚੇ ਦੇ ਹਿੱਸਿਆਂ ਨੂੰ ਯੋਗ ਕਰਨਾ। ਸਟੇਟਲੈੱਸ ਲੀਨਕਸ, ਸਿਸਟਮ ਨੂੰ ਕਿਵੇਂ ਚਲਾਉਣਾ ਤੇ ਪਰਬੰਧਨ ਕਰਨਾ ਹੈ, ਬਾਰੇ ਇੱਕ ਵਿਧੀ ਹੈ ਜੋ ਕਿ ਬਹੁਤ ਸਾਰੇ ਸਿਸਟਮਾਂ ਨੂੰ ਅਦਲਾ-ਬਦਲੀ ਕਰਕੇ ਮਨਜੂਰੀ ਅਤੇ ਪਰਬੰਧਨ ਨੂੰ ਸੌਖਾ ਬਣਾਉਣ ਲਈ ਬਣਾਈ ਗਈ ਹੈ। ਅਜਿਹਾ ਮੁੱਖ ਤੌਰ ਤੇ ਤਿਆਰ ਕੀਤੇ ਸਿਸਟਮ ਪ੍ਰਤੀਬਿੰਬ ਸਥਾਪਤ ਕਰਕੇ ਕੀਤਾ ਜਾਂਦਾ ਹੈ ਜੋ ਕਿ ਸਟੇਟਲੈੱਸ ਸਿਸਟਮਾਂ ਦੀ ਵੱਡੀ ਗਿਣਤੀ ਵਿੱਚ ਓਪਰੇਟਿੰਗ ਸਿਸਟਮ ਨੂੰ ਸਿਰਫ-ਪੜਨ ਵਾਲੇ ਰੂਪ ਵਿੱਚ ਚਲਾ ਕੇ, ਹਟਾਇਆ ਅਤੇ ਪਰਬੰਧਨ ਕੀਤਾ ਜਾਂਦਾ ਹੈ (ਵਧੇਰੇ ਜਾਣਕਾਰੀ ਲਈ /etc/sysconfig/readonly-root ਵੇਖੋ)।

ਇਸ ਮੌਜੂਦਾ ਵਿਕਾਸ ਸਥਿਤੀ ਵਿੱਚ, ਸਟੇਟਲੈੱਸ ਵਿਸ਼ੇਸ਼ਤਾਵਾਂ ਲੋੜੀਂਦੇ ਉਦੇਸ਼ਾਂ ਦਾ ਸਬਸੈੱਟ ਹਨ। ਇਸੇ ਕਰਕੇ, ਸਮਰੱਥਾ ਨੂੰ ਟੈਕਨਾਲੋਜੀ ਜਾਣਕਾਰੀ ਲੇਬਲ ਕੀਤਾ ਗਿਆ ਹੈ।

ਹੇਠਾਂ Red Hat Enterprise Linux 5 ਬੀਟਾ ਵਿੱਚ ਸ਼ਾਮਿਲ ਸ਼ੁਰੂਆਤੀ ਯੋਗਤਾਵਾਂ ਦੀ ਸੂਚੀ ਹੈ:

ਇਹ ਸਿਫਾਰਸ਼ ਕੀਤੀ ਜਾਂਦੀ ਹੈ ਕਿ ਜੋ ਸਟੇਟਲੈੱਸ ਕੋਡ ਦੀ ਜਾਂਚ ਵਿੱਚ ਦਿਲਚਸਪੀ ਰੱਖਦੇ ਹਨ, http://fedoraproject.org/wiki/StatelessLinuxHOWTO ਉੱਪਰ HOWTO ਪੜੋ ਅਤੇ [email protected] ਨਾਲ ਜੁੜੋ।

GFS2 ਇੱਕ ਵਿਕਾਸ ਸੰਬੰਧੀ ਤਕਨੀਕ ਹੈ ਜੋ GFS ਫਾਇਲ ਸਿਸਟਮ ਤੇ ਅਧਾਰਿਤ ਹੈ। ਜਦੋਂ ਕਿ ਪੂਰਾ ਕਿਰਿਆਸ਼ੀਲ, GFS2 ਹਾਲੇ ਉਤਪਾਦਨ-ਤਿਆਰੀ ਵਿੱਚ ਨਹੀਂ ਮੰਨਿਆ ਜਾਂਦਾ ਹੈ।GFS2 ਨੂੰ ਆਉਣ ਵਾਲੇ Red Hat Enterprise Linux 5 ਅੱਪਡੇਟ ਵਿੱਚ ਪੂਰੀ ਤਰਾਂ ਸਹਿਯੋਗ ਦੇਣ ਦਾ ਉਦੇਸ਼ ਹੈ। ਇਸ ਵਿੱਚ ਇਨ-ਪਲੇਸ ਤਬਦੀਲੀ ਸਹੂਲਤ gfs2_convert ਵੀ ਹੈ, ਜੋ ਪੁਰਾਣੇ GFS ਫਾਇਲ ਸਿਸਟਮ ਦੇ ਮੈਟਾ ਡਾਟਾ ਨੂੰ GFS2 ਵਿੱਚ ਤਬਦੀਲ ਕਰਕੇ ਅੱਪਡੇਟ ਕਰਦੀ ਹੈ।

FS-Cache ਇੱਕ ਰਿਮੋਟ ਫਾਇਲ ਸਿਸਟਮ ਲਈ ਲੋਕਲ ਕੈਚਿੰਗ ਸਹੂਲਤ ਹੈ; ਜਿਸ ਨਾਲ ਉਪਭੋਗੀ NFS ਡਾਟੇ ਨੂੰ ਲੋਕਲ ਮਾਊਂਟ ਕੀਤੀ ਡਿਸਕ ਉੱਪਰ ਸੰਭਾਲ ਸਕਦੇ ਹਨ। FS-Cache ਸਹੂਲਤ ਨਿਰਧਾਰਤ ਕਰਨ ਲਈ, cachefilesd RPM ਇੰਸਟਾਲ ਕਰੋ ਅਤੇ /usr/share/doc/cachefilesd-<version>/README ਵਿੱਚ ਦਿੱਤੀਆਂ ਹਦਾਇਤਾਂ ਮੁਤਾਬਿਕ ਚੱਲੋ।

<version> ਨੂੰ ਇੰਸਟਾਲ ਕੀਤੇ cachefilesd ਪੈਕੇਜ ਦੇ ਅਨੁਸਾਰੀ ਵਰਜਨ ਨਾਲ ਤਬਦੀਲ ਕਰੋ।

Compiz ਇੱਕ OpenGL-ਅਧਾਰਿਤ ਕੰਪੋਜ਼ਿਗ ਵਿੰਡੋ ਮੈਨੇਜਰ ਹੈ। ਰੈਗੂਲਰ ਵਿੰਡੋ ਮੈਨੇਜਮੈਂਟ ਦੇ ਨਾਲ, compiz ਵੀ ਕੰਪੋਜ਼ਿਗ ਮੈਨੇਜਰ ਦੇ ਤੌਰ ਤੇ ਕੰਮ ਕਰਦਾ ਹੈ। ਇਸ ਰੋਲ ਵਿੱਚ, compiz ਪੂਰੀ ਡਿਸਕਟਾਪ ਰੀ-ਡਰਾਇੰਗ ਨੂੰ ਸਹਿਯੋਗ ਦਿੰਦਾ ਹੈ ਤੇ ਸਮਕਾਲੀ ਬਣਾਉਂਦਾ ਹੈ, ਘੱਟ ਫਿੱਕੀ ਦਿੱਖ ਨਾਲ ਮੁਲਾਇਮ ਡਿਸਕਟਾਪ ਤੋਂ ਬਦਲਣ ਲਈ।

Compiz ਅਨੁਕੂਲਤਾ ਪ੍ਰਭਾਵਾਂ ਜਿਵੇਂ ਲਾਈਵ ਥੰਬਨੇਲ ਵਿੰਡੋ, ਵਿੰਡੋ ਡਰਾਪ ਸ਼ੈੱਡੋ, ਐਨੀਮੇਟਡ ਵਿੰਡੋ ਅਲਪੀਕਰਨ ਅਤੇ ਵਰਚੁਅਲ ਡਿਸਕਟਾਪਾਂ ਵਿੱਚ ਤਬਦੀਲੀ ਆਦਿ ਲਈ 3D ਹਾਰਡਵੇਅਰ ਪ੍ਰਵੇਗ ਵਰਤਦੀ ਹੈ।

ਮੌਜੂਦਾ ਰੈਂਡਰਿੰਗ ਢਾਂਚੇ ਵਿੱਚ ਪਾਬੰਦੀਆਂ ਦੇ ਕਾਰਨ, compiz ਡਾਇਰੈਕਟ ਰੈਂਡਰਿੰਗ OpenGL ਕਾਰਜਾਂ ਨਾਲ ਜਾਂ ਉਹਨਾਂ ਕਾਰਜਾਂ ਨਾਲ ਜੋ Xv ਐਕਸਟੈਂਸ਼ਨ ਵਰਤਦੇ ਹਨ, ਠੀਕ ਤਰਾਂ ਕੰਮ ਨਹੀਂ ਕਰ ਸਕਦਾ। ਅਜਿਹੇ ਕਾਰਜ ਖਤਰਨਾਕ ਰੈਂਡਰਿੰਗ ਵੇਖਾਂਉਂਦੇ ਹਨ; ਇਸ ਦੇ ਕਾਰਨ, compiz ਇੱਕ ਟੈਕਨਾਲੋਜੀ ਜਾਣਕਾਰੀ ਹੈ।

Red Hat Enterprise Linux 5 ਵਿੱਚ, EXT3 ਫਾਇਲ ਸਿਸਟਮ ਸਮਰੱਥਾ 8ਟੈਬਾ ਤੋਂ ਲੈ ਕੇ 16ਟੈਬਾ ਤੱਕ ਵਧਾਈ ਗਈ ਹੈ। ਇਸ ਸਮਰੱਥਾ ਨੂੰ ਟੈਕਨਾਲੋਜੀ ਜਾਣਕਾਰੀ ਦੇ ਤੌਰ ਤੇ ਸ਼ਾਮਿਲ ਕੀਤਾ ਗਿਆ ਹੈ, ਅਤੇ Red Hat Enterprise Linux 5 ਦੇ ਆਉਣ ਵਾਲੇ ਰੀਲੀਜ਼ ਵਿੱਚ ਪੂਰੇ ਸਹਿਯੋਗ ਦਾ ਉਦੇਸ਼ ਹੈ।

AIGLX ਇੱਕ ਟੈਕਨਾਲੋਜੀ ਜਾਣਕਾਰੀ ਵਿਸ਼ੇਸ਼ਤਾ ਹੈ ਜੋ ਪੂਰੇ ਸਹਿਯੋਗੀ X ਸਰਵਰ ਦਾ ਪ੍ਰਤੀਰੋਧ ਹੈ। ਇਸ ਦਾ ਉਦੇਸ਼ ਹੈ GL-ਪ੍ਰਵੇਗਿਤ ਪ੍ਰਭਾਵਾਂ ਨੂੰ ਮਿਆਰੀ ਡਿਸਕਟਾਪਾਂ ਉੱਪਰ ਯੋਗ ਕਰਨਾ। ਇਸ ਪਰੋਜੈਕਟ ਵਿੱਚ ਇਸ ਸ਼ਾਮਿਲ ਹੈ:

ਇਹਨਾਂ ਨੂੰ ਇੰਸਟਾਲ ਕਰਨ ਨਾਲ, ਤੁਹਾਡੇ ਡਿਸਕਟਾਪ ਉੱਪਰ ਕੁਝ ਤਬਦੀਲੀਆਂ ਸਮੇਤ GL-ਪ੍ਰਵੇਗਿਤ ਪ੍ਰਭਾਵ ਹੋਣਗੇ, ਨਾਲ ਹੀ X ਸਰਵਰ ਨੂੰ ਹਟਾਏ ਬਿਨਾਂ ਹੀ ਇਹਨਾਂ ਪ੍ਰਭਾਵਾਂ ਨੂੰ ਯੋਗ ਜਾਂ ਅਯੋਗ ਕਰਨ ਲਈ ਸਹਿਯੋਗ। AIGLX ਹਾਰਡਵੇਅਰ GLX ਪ੍ਰਵੇਗ ਦੀ ਫਾਇਦਾ ਲੈਣ ਲਈ ਰਿਮੋਟ GLX ਕਾਰਜਾਂ ਨੂੰ ਵੀ ਯੋਗ ਕਰਦਾ ਹੈ।

frysk ਪਰੋਜੈਕਟ ਦਾ ਉਦੇਸ਼ ਹੈ ਇੱਕ ਸੁਚੱਜਾ, ਡਿਸਟਰੀਬਿਊਟਡ, ਹਮੇਸ਼ਾ ਸਿਸਟਮ ਨਿਗਰਾਨੀ ਅਤੇ ਡੀਬੱਗਿੰਗ ਵਾਲਾ ਜੰਤਰ ਬਣਾਉਣਾ ਜੋ ਵਿਕਾਸਵਾਦੀਆਂ ਅਤੇ ਪਰਬੰਧਕਾਂ ਨੂੰ ਇਹ ਕਰਨ ਵਿੱਚ ਸਹਿਯੋਗ ਦਿੰਦਾ ਹੈ:

Red Hat Enterprise Linux 5 ਵਿੱਚ frysk ਗਰਾਫੀਕਲ ਯੂਜ਼ਰ ਇੰਟਰਫੇਸ ਇੱਕ ਟੈਕਨਾਲੋਜੀ ਜਾਣਕਾਰੀ ਹੈ, ਜਿੱਥੇ frysk ਕਮਾਂਡ ਲਾਈਨ ਪੂਰੀ ਤਰਾਂ ਸਹਿਯੋਗੀ ਹੈ।

Systemtap ਫਰੀ ਸਾਫਟਵੇਅਰ (GPL) ਢਾਂਚਾ ਮੁਹੱਈਆ ਕਰਦਾ ਹੈ ਜੋ ਚੱਲ ਰਹੇ ਲੀਨਕਸ ਸਿਸਟਮਾਂ ਲਈ ਜਾਣਕਾਰੀ ਇਕੱਠੀ ਕਰਨ ਵਿੱਚ ਮਦਦ ਕਰਦਾ ਹੈ। ਇਸ ਨਾਲ ਕਾਰਜਕੁਸ਼ਲਤਾ ਜਾਂ ਫੰਕਸ਼ਨਲ ਸਮੱਸਿਆਵਾਂ ਦਾ ਹੱਲ ਹੁੰਦਾ ਹੈ। systemtap ਦੀ ਸਹਾਇਤਾ ਨਾਲ, ਵਿਕਾਸਵਾਦੀਆਂ ਨੂੰ ਹੁਣ ਮੁਸ਼ਕਿਲ ਅਤੇ ਸਮੱਸਿਆ ਵਾਲੇ ਜੰਤਰ, ਮੁੜ-ਕੰਪਾਈਲ, ਇੰਸਟਾਲ, ਮੁੜ-ਚਾਲੂ ਵਾਲੇ ਪਗਾਂ ਵਿੱਚੋਂ ਨਹੀਂ ਜਾਣਾ ਪਵੇਗਾ ਜੋ ਡਾਟਾ ਇਕੱਠਾ ਕਰਨ ਲਈ ਲੋੜੀਂਦੇ ਹੋ ਸਕਦੇ ਹਨ।

Dogtail ਇੱਕ GUI ਜਾਂਚ, ਸੰਦ ਅਤੇ ਫਰੇਮਵਰਕ ਹੈ ਜੋ ਪਾਈਥਨ ਵਿੱਚ ਲਿਖਿਆ ਹੈ ਜੋ ਡਿਸਕਟਾਪ ਕਾਰਜਾਂ ਨਾਲ ਸੰਪਰਕ ਕਰਨ ਲਈ ਪਹੁੰਚ ਟੈਕਨਾਲੋਜੀ ਵਰਤਦਾ ਹੈ।

Red Hat Enterprise Linux 5 ਹੇਠਲੀਆਂ ਭਾਸ਼ਾਵਾਂ ਲਈ ਟੈਕਨਾਲੋਜੀ ਜਾਣਕਾਰੀ ਤੌਰ ਤੇ ਸਹਿਯੋਗ ਵੀ ਸ਼ਾਮਿਲ ਕਰਦਾ ਹੈ:

ਇਹਨਾਂ ਭਾਸ਼ਾਵਾਂ ਨੂੰ ਇੰਸਟਾਲ ਕਰਨ ਤੇ ਸਹਿਯੋਗ ਲਾਗੂ ਕਰਨ ਬਾਰੇ ਵਧੇਰੇ ਜਾਣਕਾਰੀ ਲਈ, ਇਸ ਦਸਤਾਵੇਜ਼ ਦਾ ਅੰਤਰਰਾਸ਼ਟਰੀਕਰਨ ਭਾਗ ਵੇਖੋ।

ਐਨਾਕਾਂਡਾ ਵਿੱਚ ਹੁਣ dm-multipath ਜੰਤਰ ਨੂੰ ਖੋਜਣ, ਬਣਾਉਣ, ਅਤੇ ਇੰਸਟਾਲ ਕਰਨ ਦੀ ਯੋਗਤਾ ਹੈ। ਇਸ ਵਿਸ਼ੇਸ਼ਤਾ ਯੋਗ ਕਰਨ ਲਈ, ਕਰਨਲ ਬੂਟ ਲਾਈਨ ਵਿੱਚ mpath ਪੈਰਾਮੀਟਰ ਸ਼ਾਮਿਲ ਕਰੋ।

ਯਾਦ ਰੱਖੋ ਕਿ ਪੈਰਾਮੀਟਰ mpath ਦੇ ਨਾਲ ਬੂਟ ਫੇਲ ਹੋ ਸਕਦਾ ਹੈ ਜੇ ਜੰਤਰ ਦਾ major:minor ਨੰਬਰ ਤਬਦੀਲ ਹੁੰਦਾ ਹੈ। ਇਹ ਮੁੱਦਾ Red Hat Enterprise Linux 5 ਦੇ ਆਉਣ ਵਾਲੇ ਵਰਜਨ ਵਿੱਚ ਹੱਲ ਕੀਤਾ ਜਾਏਗਾ।

ਐਨਾਕਾਂਡਾ ਵਿੱਚ ਹੁਣ iSCSI ਜੰਤਰ ਇੰਸਟਾਲ ਕਰਨ ਦੀ ਯੋਗਤਾ ਹੈ। ਬੂਟਿੰਗ ਅਤੇ ਇੰਸਟਾਲੇਸ਼ਨ QLogic qla4xxx ਹਾਰਡਵੇਅਰ ਸ਼ੁਰੂਆਤੀ ਨਾਲ ਪੂਰੀ ਤਰਾਂ ਸਹਿਯੋਗੀ ਹੈ। ਭਾਵੇਂ, iSCSI ਜੰਤਰ ਨੂੰ open-iscsi ਸਾਫਟਵੇਅਰ ਸ਼ੁਰੂਆਤੀ ਲਈ ਇੰਸਟਾਲ ਕਰਨ ਦੀ ਯੋਗਤਾ ਟੈਕਨਾਲੋਜੀ ਜਾਣਕਾਰੀ ਵਿੱਚ ਸ਼ਆਮਿਲ ਹੈ, ਇਸ ਦਾ ਕਾਰਨ ਹੇਠਲੇ ਮੁੱਦੇ ਹਨ:

ਇਹ ਕਮੀਆਂ ਆਉਣ ਵਾਲੇ Red Hat Enterprise Linux 5 ਅੱਪਡੇਟ ਵਿੱਚ ਹੱਲ ਕੀਤੀਆਂ ਜਾਣਗੀਆਂ।

Red Hat Enterprise Linux ਦੇ ਇਸ ਰੀਲੀਜ਼ ਵਿੱਚ ਬਹੁਤ ਛੋਟੀ ਡਿਪਲਾਇਮੈਂਟ ਗਾਈਡ ਦਿੱਤੀ ਹੈ। ਇਸ ਨੂੰ ਵਰਤਣ ਲਈ, ਸਿਸਟਮ (ਸਿਖਰ ਪੈਨਲ ਵਿੱਚ) => ਦਸਤਾਵੇਜੀ => Red Hat Enterprise Linux ਡਿਪਲਾਇਮੈਂਟ ਗਾਈਡ ਤੇ ਜਾਓ।

Red Hat ਦੀ ਇੱਛਾ ਹੈ ਕਿ ਡਿਪਲਾਇਮੈਂਟ ਗਾਈਡ ਦਾ ਸਭ ਸਹਿਯੋਗੀ ਭਾਸ਼ਾਵਾਂ ਵਿੱਚ ਅਨੁਵਾਦ ਰੂਪ ਦਿੱਤਾ ਜਾਏ। ਜੇ ਤੁਸੀਂ ਡਿਪਲਾਇਮੈਂਟ ਗਾਈਡ ਦਾ ਅਨੁਵਾਦਕ ਰੂਪ ਇੰਸਟਾਲ ਕੀਤਾ ਹੈ, ਤਾਂ ਇਹ ਸਿਫਾਰਸ਼ ਕੀਤੀ ਜਾਂਦੀ ਹੈ ਕਿ ਤੁਸੀਂ ਇਸ ਨੂੰ Red Hat Network ਦੁਆਰਾ ਅੱਪਡੇਟ ਕਰੋ ਤਾਂ ਕਿ ਨਵਾਂ ਵਰਜਨ ਉਪਲੱਬਧ ਹੋ ਸਕੇ।

Red Hat Enterprise Linux 5 ਵਿੱਚ i686 ਅਤੇ x86-64 ਲਈ Xen-ਅਧਾਰਿਤ ਵਰਚੁਅਲਾਈਜੇਸ਼ਨ ਸਮਰੱਥਾ, ਅਤੇ ਵਰਚੁਅਲਾਈਜੇਸ਼ਨ ਵਾਤਾਵਰਨ ਦੇ ਪਰਬੰਧਨ ਲਈ ਲੋੜੀਂਦਾ ਸਾਫਟਵੇਅਰ ਢਾਂਚਾ ਵੀ ਸ਼ਾਮਿਲ ਹੈ।

Red Hat Enterprise Linux 5 ਵਿੱਚ ਵਰਚੁਅਲਾਈਜੇਸ਼ਨ ਲਾਗੂ ਕਰਨਾ ਹਾਈਪਰਵਾਈਸਰ (hypervisor) ਤੇ ਅਧਾਰਿਤ ਹੈ, ਜੋ ਘੱਟ ਓਵਰਹੈੱਡ ਵਰਚੁਅਲਾਈਜੇਸ਼ਨ ਨੂੰ ਪੈਰਾਵਰਚੁਅਲਾਈਜੇਸ਼ਨ ਦੁਆਰਾ ਸਹਿਯੋਗ ਦਿੰਦਾ ਹੈ। Intel ਵਰਚੁਅਲਾਈਜੇਸ਼ਨ ਟੈਕਨਾਲੋਜੀ ਜਾਂ AMD AMD-V ਦੇ ਯੋਗ ਪਰੋਸੈੱਸਰਾਂ ਨਾਲ, Red Hat Enterprise Linux 5 ਵਿੱਚ ਵਰਚੁਅਲਾਈਜੇਸ਼ਨ ਓਪਰੇਟਿੰਗ ਸਿਸਟਮਾਂ ਨੂੰ ਪੂਰੇ ਵਰਚੁਅਲਾਈਜੇਸ਼ਨ ਮੋਡ ਵਿੱਚ ਨਾ-ਤਬਦੀਲ ਕੀਤੇ ਹੀ ਚਲਾ ਸਕਦਾ ਹੈ।

Red Hat Enterprise Linux 5 ਉੱਪਰ ਵਰਚੁਅਲਾਈਜੇਸ਼ਨ ਵਿੱਚ ਹੇਠਲੀਆਂ ਵਿਸ਼ੇਸ਼ਤਾਵਾਂ ਵੀ ਹਨ:

Red Hat Network ਵਰਚੁਅਲ ਮਸ਼ੀਨਾਂ ਨੂੰ ਵੀ ਸਹਿਯੋਗ ਦਿੰਦਾ ਹੈ।

ਹੁਣ, ਵਰਚੁਅਲਾਈਜੇਸ਼ਨ ਵਿਸ਼ੇਸ਼ਤਾਵਾਂ ਵਿੱਚ ਹੇਠਲੀਆਂ ਕਮੀਆਂ ਹਨ:

Red Hat Enterprise Linux 5 ਵਿੱਚ ਹੁਣ ਅਪਾਚੇ HTTP ਸਰਵਰ ਦਾ ਵਰਜਨ 2.2 ਸ਼ਾਮਿਲ ਹੈ। ਇਹ ਰੀਲੀਜ਼ 2.0 ਲੜੀ ਵਿੱਚ ਬਹੁਤ ਸਾਰੀਆਂ ਸੋਧਾਂ ਲੈ ਕੇ ਆਇਆ ਹੈ, ਜਿਵੇਂ ਕਿ:

ਮੂਲ httpd ਸੰਰਚਨਾ ਵਿੱਚ ਹੇਠਲੀਆਂ ਤਬਦੀਲੀਆਂ ਕੀਤੀਆਂ ਗਈਆਂ ਹਨ:

ਜੇ ਤੁਸੀਂ Red Hat Enterprise Linux ਦੇ ਪਿਛਲੇ ਰੀਲੀਜ਼ ਤੋਂ ਅੱਪਗਰੇਡ ਕਰ ਰਹੇ ਹੋ, ਤਾਂ httpd ਸੰਰਚਨਾ ਨੂੰ httpd 2.2 ਤੋਂ ਅੱਪਡੇਟ ਕਰਨ ਦੀ ਲੋੜ ਪਵੇਗੀ। ਵਧੇਰੇ ਜਾਣਕਾਰੀ ਲਈ, http://httpd.apache.org/docs/2.2/upgrading.html ਵੇਖੋ।

ਯਾਦ ਰੱਖੋ ਕੋਈ ਵੀ ਥਰਡ-ਪਾਰਟੀ ਮੈਡਿਊਲ ਜੋ httpd 2.0 ਲਈ ਬਣਿਆ ਹੈ, ਨੂੰ httpd 2.2 ਲਈ ਦੁਬਾਰਾ ਬਣਾਇਆ ਜਾ ਸਕਦਾ ਹੈ।

PHP ਦਾ ਵਰਜਨ 5.1 ਹੁਣ Red Hat Enterprise Linux 5 ਵਿੱਚ ਸ਼ਾਮਿਲ ਕੀਤਾ ਗਿਆ ਹੈ, ਜਿਸ ਵਿੱਚ ਕਾਰਜਕੁਸ਼ਲਤਾ ਸੋਧ ਦੇ ਨਾਲ-ਨਾਲ ਭਾਸ਼ਾ ਵਿੱਚ ਤਬਦੀਲੀਆਂ ਵੀ ਸ਼ਾਮਿਲ ਹਨ। ਕੁਝ ਸਕਰਿਪਟਾਂ ਨੂੰ ਨਵੇਂ ਵਰਜਨ ਨਾਲ ਵਰਤਣ ਲਈ ਅਨੁਕੂਲ ਬਣਾਉਣਾ ਪੈ ਸਕਦਾ ਹੈ; ਕਿਰਪਾ ਕਰਕੇ PHP 4.3 ਤੋਂ PHP 5.1 ਵੱਲ ਬਦਲਾਓ ਬਾਰੇ ਵਧੇਰੇ ਜਾਣਕਾਰੀ ਲਈ ਹੇਠਾਂ ਦਿੱਤਾ ਸੰਬੰਧ ਵੇਖੋ:

http://www.php.net/manual/en/migration5.php

/usr/bin/php ਚੱਲਣਯੋਗ ਹੁਣ CGI SAPI ਦੀ ਬਜਾਇ CLI ਕਮਾਂਡ-ਲਾਈਨ SAPI ਵਰਤ ਕੇ ਬਣਾਇਆ ਗਿਆ ਹੈ। CGI SAPI ਲਈ /usr/bin/php-cgi ਵਰਤੋ। php-cgi ਚੱਲਣਯੋਗ ਵਿੱਚ FastCGI ਸਹਿਯੋਗ ਵੀ ਸ਼ਾਮਿਲ ਹੈ।

ਹੇਠਲੇ ਐਕਸਟੈਂਸ਼ਨ ਮੈਡਿਊਲ ਸ਼ਾਮਿਲ ਕੀਤੇ ਗਏ ਹਨ:

ਹੇਠਲੇ ਐਕਸਟੈਂਸ਼ਨ ਮੈਡਿਊਲ ਹੁਣ ਸ਼ਾਮਿਲ ਨਹੀਂ ਹੋਣਗੇ:

PEAR ਫਰੇਮਵਰਕ ਹੁਣ php-pear ਪੈਕੇਜ ਵਿੱਚ ਸ਼ਾਮਿਲ ਕੀਤਾ ਗਿਆ ਹੈ। ਸਿਰਫ ਹੇਠਲੇ PEAR ਹਿੱਸੇ ਹੀ Red Hat Enterprise Linux 5 ਵਿੱਚ ਸ਼ਾਮਿਲ ਕੀਤੇ ਗਏ ਹਨ:

Red Hat Enterprise Linux 5 ਹੁਣ ਇਨਕਰਿਪਟਡ ਸਵੈਪ ਭਾਗ ਅਤੇ ਨਾਨ-ਰੂਟ ਫਾਇਲ ਸਿਸਟਮ ਲਈ ਮੁੱਢਲਾ ਸਹਿਯੋਗ ਦਿੰਦਾ ਹੈ। ਇਹ ਵਿਸ਼ੇਸ਼ਤਾਵਾਂ ਵਰਤਣ ਲਈ, /etc/crypttab ਵਿੱਚ ਲੋੜੀਂਦੀ ਐਂਟਰੀ ਦਿਓ ਅਤੇ /etc/fstab ਵਿੱਚ ਬਣਾਏ ਜੰਤਰ ਦਾ ਹਵਾਲਾ ਦਿਓ।

ਹੇਠਾਂ ਸਧਾਰਨ /etc/crypttab ਐਂਟਰੀ ਹੈ:

my_swap /dev/hdb1 /dev/urandom swap,cipher=aes-cbc-essiv:sha256

ਇਸ ਨਾਲ ਇਨਕਰਿਪਟਡ ਬਲਾਕ /dev/mapper/my_swap ਜੰਤਰ ਬਣਦਾ ਹੈ, ਜਿਸ ਦਾ ਹਵਾਲਾ /etc/fstab ਵਿੱਚ ਦਿੱਤਾ ਜਾ ਸਕਦਾ ਹੈ।

ਹੇਠਾਂ ਫਾਇਲ ਸਿਸਟਮ ਵਾਲੀਅਮ ਲਈ ਸਧਾਰਨ /etc/crypttab ਐਂਟਰੀ ਹੈ:

my_volume /dev/hda5 /etc/volume_key cipher=aes-cbc-essiv:sha256

/etc/volume_key ਫਾਇਲ ਵਿੱਚ ਸਧਾਰਨ-ਪਾਠ ਇਨਕਰਿਪਸ਼ਨ ਕੁੰਜੀ ਸ਼ਾਮਿਲ ਹੈ। ਤੁਸੀਂ ਕੁੰਜੀ ਫਾਇਲ ਨਾਂ ਦੇ ਤੌਰ ਤੇ none ਵੀ ਦਰਸਾ ਸਕਦੇ ਹੋ, ਜਿਸ ਨਾਲ ਸਿਸਟਮ ਚਾਲੂ ਹੋਣ ਸਮੇਂ ਇਨਕਰਿਪਸ਼ਨ ਕੁੰਜੀ ਬਾਰੇ ਪੁੱਛੇਗੀ।

ਫਾਇਲ ਸਿਸਟਮ ਨਿਰਧਾਰਨ ਲਈ LUKS (ਲੀਨਕਸ ਯੂਨੀਫਾਈਡ ਕੀ ਸੈੱਟਅੱਪ) ਵਰਤਣ ਦੀ ਸਿਫਾਰਸ਼ ਕੀਤੀ ਜਾਂਦੀ ਹੈ। ਅਜਿਹਾ ਕਰਨ ਲਈ, ਇਹ ਪਗ ਵਰਤੋ:

mount ਅਤੇ umount ਕਮਾਂਡਾਂ ਹੁਣ NFS ਨੂੰ ਸਹਿਯੋਗ ਨਹੀਂ ਦੇਣਗੀਆਂ; ਇਸ ਵਿੱਚ ਕੋਈ ਬਿਲਟ-ਇਨ NFS ਕਲਾਈਂਟ ਨਹੀਂ ਹੈ। ਇੱਕ ਵੱਖਰਾ nfs-utils ਪੈਕੇਜ, ਜੋ /sbin/mount.nfs ਅਤੇ /sbin/umount.nfs ਸਹਿਯੋਗ ਦਿੰਦਾ ਹੈ, ਨੂੰ ਇੰਸਟਾਲ ਕਰਨਾ ਜਰੂਰੀ ਹੈ।

ਲੋਕਲ ਸਬਨੈੱਟ ਉੱਪਰ CUPS ਪ੍ਰਿੰਟਰ ਬਰਾਊਜ਼ਿੰਗ ਨੂੰ system-config-printer ਗਰਾਫੀਕਲ ਜੰਤਰ ਵਰਤ ਕੇ ਸੰਰਚਿਤ ਕੀਤਾ ਜਾ ਸਕਦਾ ਹੈ। ਅਜਿਹਾ CUPS ਵੈੱਬ ਇੰਟਰਫੇਸ http://localhost:631/ ਵਰਤ ਕੇ ਵੀ ਕੀਤਾ ਜਾ ਸਕਦਾ ਹੈ।

ਸਬਨੈੱਟਾਂ ਵਿਚਕਾਰ ਪ੍ਰਿੰਟਰ ਬਰੀਊਜ਼ਿੰਗ ਲਈ ਡਾਇਰੈਕਟ ਬਰਾਡਕਾਸਟ ਵਰਤਣ ਵਾਸਤੇ, ਕਲਾਈਂਟ ਉੱਪਰ /etc/cups/cupsd.conf ਖੋਲੋ ਅਤੇ BrowseAllow @LOCAL ਨੂੰ BrowseAllow ALL ਨਾਲ ਤਬਦੀਲ ਕਰੋ।

ATI ਗਰਾਫਿਕਸ ਕਾਰਡ ਜੋ R500 ਚਿੱਪਸੈੱਟ ਤੇ ਅਧਾਰਿਤ ਹਨ, ਸਿਰਫ vesa ਡਰਾਈਵਰ ਲਈ ਸਹਿਯੋਗੀ ਹਨ, ਅਤੇ ਬਾਹਰੀ ਮਾਨੀਟਰਾਂ, LCD ਪਰੋਜੈਕਟਰਾਂ ਜਾਂ ਪ੍ਰਵੇਗਿਤ 3D ਸਹਿਯੋਗ ਉੱਪਰ Red Hat Enterprise Linux 5 ਦੁਆਰਾ ਸਹਿਯੋਗੀ ਨਹੀਂ ਹਨ।

up2date ਨੂੰ yum (Yellowdog Updater Modified) ਹੋਣ ਕਰਕੇ ਛੱਡਿਆ ਗਿਆ ਹੈ। ਜਿਵੇਂ ਕਿ, ਇਹ ਸਲਾਹ ਦਿੱਤੀ ਜਾਂਦੀ ਹੈ ਕਿ ਤੁਸੀਂ ਕਿਸੇ up2date-ਅਧਾਰਿਤ ਸਕਰਿਪਟ ਨੂੰ ਨਵਿਆਓ ਜੋ ਤੁਹਾਡੇ ਸਿਸਟਮ ਉੱਪਰ ਵਰਤੇ ਜਾ ਰਹੇ ਹਨ। yum ਬਾਰੇ ਵਧੇਰੇ ਜਾਣਕਾਰੀ ਲਈ, ਇਸ ਦੇ man ਸਫੇ ਨੂੰ man yum ਨਾਲ ਵੇਖੋ; ਤੁਸੀਂ /usr/share/doc/yum-<version> ਅਤੇ/usr/share/doc/yum-metadata-parser-<version> ਡਾਇਰੈਕਟਰੀ ਵਿੱਚ ਇੰਸਟਾਲ ਕੀਤੇ ਦਸਤਾਵੇਜ਼ ਵੀ ਵੇਖ ਸਕਦੇ ਹੋ (<version> ਨੂੰ ਇੰਸਟਾਲ ਕੀਤੇ yum ਅਤੇ yum-metadata-parser ਦੇ ਵਰਜਨ ਨਾਲ ਤਬਦੀਲ ਕਰੋ)।

Red Hat ਡਾਇਰੈਕਟਰੀ ਸਰਵਰ ਇੱਕ LDAP-ਅਧਾਰਿਤ ਸਰਵਰ ਹੈ ਜੋ ਇੰਟਰਪਰਾਈਜ਼ ਅਤੇ ਨੈੱਟਵਰਕ ਡਾਟੇ ਨੂੰ OS ਤੇ ਨਾ-ਨਿਰਭਰ, ਨੈੱਟਵਰਕ-ਅਧਾਰਿਤ ਰਜਿਸਟਰੀ ਵਿੱਚ ਰੱਖਦਾ ਹੈ। ਇਹ OpenLDAP ਸਰਵਰ ਹਿੱਸਿਆਂ ਨੂੰ ਹਟਾਉਣ ਲਈ ਨਿਰਧਾਤ ਕੀਤਾ ਹੈ, ਜੋ Red Hat Enterprise Linux 5 ਤੋਂ ਬਾਅਦ ਛੱਡਿਆ ਜਾਵੇਗਾ। Red Hat ਡਾਇਰੈਕਟਰੀ ਸਰਵਰ ਬਾਰੇ ਵਧੇਰੇ ਜਾਣਕਾਰੀ ਲਈ http://www.redhat.com/software/rha/directory/ ਵੇਖੋ।

i810 ਡਰਾਈਵਰ ਸਭ ਇੰਟੀਗਰੇਟਡ ਇੰਟਲ ਗਰਾਫਿਕਸ ਚਿੱਪਸੈੱਟਾਂ , i810 ਤੋਂ i965 ਤੱਕ ਸਹਿਯੋਗ ਦਿੰਦਾ ਹੈ। ਭਾਵੇਂ, i830 (ਅਤੇ ਨਵੇਂ) ਚਿੱਪਸੈੱਟ ਨੂੰ ਸੀਮਿਤ ਸਹਿਯੋਗ ਹੈ; i810 ਡਰਾਈਵਰ ਸਿਰਫ ਵੀਡੀਓ BIOS ਵਿੱਚ ਵੇਖਾਏ ਮੋਡ ਹੀ ਨਿਰਧਾਰਤ ਕਰ ਸਕਦਾ ਹੈ। ਜੇ ਤੁਹਾਡੀ ਮਸ਼ੀਨ ਉੱਪਰ i830 ਜਾਂ ਨਵਾਂ ਚਿੱਪਸੈੱਟ ਇੰਸਟਾਲ ਕੀਤਾ ਹੈ, ਤਾਂ ਉਪਲੱਬਧ ਮੋਡ ਵੇਖਣ ਲਈ ਹੇਠਲੀ ਕਮਾਂਡ ਚਲਾਓ:

grep Mode: /var/log/Xorg.0.log

ਤਾਰੇ (*) ਨਾਲ ਵੇਖਾਏ ਮੋਡ ਚੋਣ ਕਰਨ ਲਈ ਉਪਲੱਬਧ ਹਨ।

ਬਹੁਤੇ ਲੈਪਟਾਪ ਵੀਡੀਓ BIOS ਅਜਿਹਾ ਮੋਡ ਮੁਹੱਈਆ ਨਹੀਂ ਕਰਦੇ ਜੋ ਪੁਰਾਣੇ ਪੈਨਲ ਅਕਾਰ ਨਾਲ ਮਿਲਦਾ ਹੋਵੇ। ਇਸ ਲਈ ਚੁਣਿਆ ਮੋਡ ਖਿੱਚਿਆ, ਖਿਲਰਿਆ, ਜਾਂ ਕਾਲੇ ਹਾਸ਼ੀਆਂ ਜਿਹਾ ਲੱਗਦਾ ਹੈ। ਇਸੇ ਤਰਾਂ, ਜੇ ਤੁਹਾਡਾ ਚੁਣਿਆ ਮੋਡ ਠੀਕ ਤਰਾਂ ਨਹੀਂ ਦਿਸਦਾ, ਤੁਹਾਨੂੰ ਆਪਣੇ ਹਾਰਡਵੇਅਰ ਵਿਕਰੇਤਾ ਤੋਂ ਇੱਕ BIOS ਅੱਪਡੇਟ ਲੈਣਾ ਪਵੇਗਾ ਤਾਂ ਕਿ ਪੁਰਾਣਾ ਪੈਨਲ ਅਕਾਰ ਠੀਕ ਤਰਾਂ ਕੰਮ ਕਰ ਸਕੇ।

Red Hat Enterprise Linux 5 ਵਿੱਚ ਸਮਾਰਟ ਕਾਰਡ ਲਈ ਸਹਿਯੋਗ ਸ਼ਾਮਿਲ ਹੈ, ਜੋ ਤੁਹਾਡੇ ਕੁੰਜੀ ਜੋੜੇ ਅਤੇ ਸੰਬੰਧਿਤ ਪਬਲਿਕ ਕੁੰਜੀ ਸਾਰਟੀਫਿਕੇਟ ਲਈ ਸੁਰੱਖਿਅਤ ਸਟੋਰੇਜ਼ ਮੁਹੱਈਆ ਕਰਦਾ ਹੈ। ਇਹ ਕੁੰਜੀਆਂ ਇੱਕ PIN ਦੁਆਰਾ ਸੁਰੱਖਿਆ ਕੀਤੀ ਜਾਂਦੀ ਹੈ ਜੋ ਤੁਸੀਂ ਇੰਨਪੁੱਟ ਕਰੋਗੇ ਜਦੋਂ ਸਮਾਰਟ ਕਾਰਡ ਲਈ ਕੁੰਜੀ ਜਾਂ ਸਾਰਟੀਫਿਕੇਟ ਦੀ ਲੋੜ ਹੋਵੇਗੀ।

Red Hat Enterprise Linux 5 ਵਾਤਾਵਰਨ ਵਿੱਚ ਸਮਾਰਟ ਕਾਰਡ ਸ਼ਾਮਿਲ ਕਰਨ ਨਾਲ ਤੁਹਾਨੂੰ ਪ੍ਰਮਾਣਿਕਤਾ ਦੇ ਮਾਮਲੇ ਵਿੱਚ ਸੁਰੱਖਿਆ ਵਧਾਉਣ ਲਈ ਵਿਸ਼ੇਸ਼ਤਾਵਾ ਜਿਵੇਂ ਕਰਬੀਰੋਜ਼ ਅਤੇ S/MIME ਲਈ ਮਨਜੂਰੀ ਦਿੰਦਾ ਹੈ। Red Hat Enterprise Linux 5 ਹੇਠ ਦਿੱਤਾ ਸਹਿਯੋਗ ਦਿੰਦਾ ਹੈ:

ਸਮਾਰਟ ਕਾਰਡ ਪ੍ਰਮਾਣਿਕਤਾ ਨਿਰਧਾਰਤ ਕਰਨ ਲਈ, ਤੁਹਾਡਾ ਨੈੱਟਵਰਕ Red Hat ਡਾਇਰੈਕਟਰੀ ਸਰਵਰ Red Hat ਸਾਰਟੀਫਿਕੇਟ ਸਿਸਟਮ ਨਾਲ ਜੋੜਿਆ ਜਾਏਗਾ। ਸਮਾਰਟ ਕਾਰਜ ਬਾਰੇ ਵਧੇਰੇ ਜਾਣਕਾਰੀ ਲਈ, ਸਿੰਗਲ ਸਾਈਨ-ਆਨ ਉਪਰੰਤ Red Hat Enterprise Linux ਡਿਪਲਾਇਮੈਂਟ ਗਾਈਡ ਅਧਿਆਇ ਵੇਖੋ।

Red Hat Enterprise Linux 5 ਦੇ ਇਸ ਰੀਲੀਜ਼ ਵਿੱਚ ipw3945 (Intel PRO/ਵਾਇਰਲੈੱਸ 3945ABG ਨੈੱਟਵਰਕ ਕੁਨੈਕਸ਼ਨ) ਅਡਾਪਟਰ ਲਈ ਸਹਿਯੋਗ ਸ਼ਾਮਿਲ ਹੈ। Red Hat Enterprise Linux 5 ਸਪਲੀਮੈਂਟਰੀ ਡਿਸਕ ਵਿੱਚ ਇਸ ਅਡਾਪਟਰ ਦੇ ਸਹਿਯੋਗ ਲਈ ਡਰਾਈਵਰ, ਰੈਗੂਲੇਟਰੀ ਡੈਮਨ ਅਤੇ ਫਰਮਵੇਅਰ ਸ਼ਾਮਿਲ ਹਨ।

ipw3945 ਵਾਇਰਲੈੱਸ ਅਡਾਪਟਰ ਲਈ ਸਹਿਯੋਗ ਲਾਗੂ ਕਰਨ ਲਈ, Red Hat Enterprise Linux 5 ਸਪਲੀਮੈਂਟਰੀ ਡਿਸਕ ਉੱਪਰ "3945" ਵਾਲੇ ਫਾਇਲ-ਨਾਂ ਵਾਲੇ ਪੈਕੇਜ ਲੱਭੋ ਅਤੇ ਇੰਸਟਾਲ ਕਰੋ।

rawio ਇੱਕ ਛੱਡਿਆ ਗਿਆ ਇੰਟਰਫੇਸ ਹੈ; ਭਾਵੇਂ, Red Hat Enterprise Linux 5 ਵਿੱਚ ਹਾਲੇ ਵੀ ਇਸ ਲਈ ਸਹਿਯੋਗ ਹੈ। ਜੇ ਤੁਹਾਡੇ ਕੋਲਇੱਕ ਕਾਰਜ ਹੈ ਜੋ rawio ਵਰਤ ਕੇ ਜੰਤਰ ਪਹੁੰਚ ਦਿੰਦਾ ਹੈ, ਇਹ ਸਿਫਾਰਸ਼ ਕੀਤੀ ਜਾਂਦੀ ਹੈ ਕਿ ਤੁਸੀਂ ਆਪਣੇ ਕਾਰਜ ਨੂੰ ਪਾਬੰਦ ਜੰਤਰਾਂ ਨੂੰ O_DIRECT ਫਲੈਗ ਨਾਲ ਖੋਲਣ ਲਈ ਤਬਦੀਲ ਕਰੋ। rawio ਇੰਟਰਫੇਸ Red Hat Enterprise Linux 5 ਦੇ ਨਾਲ ਹੀ ਰਹੇਗਾ, ਪਰ ਆਉਣ ਵਾਲੇ ਰੀਲੀਜ਼ਾਂ ਵਿੱਚ ਹਟਾਇਆ ਜਾਏਗਾ।

ਹੁਣ, ਫਾਇਲ ਸਿਸਟਮ ਉੱਪਰ AIO (Asynchronous I/O) ਸਿਰਫ O_DIRECT ਜਾਂ ਨਾਨ-ਬਫਰ ਮੋਡ ਵਿੱਚ ਹੀ ਸਹਿਯੋਗੀ ਹੈ। ਅੱਗੇ, ਧਿਆਨ ਰੱਖੋ ਕਿ ਸਮਕਾਲੀ ਪੋਲ ਇੰਟਰਫੇਸ ਦਿਆਦਾ ਸਮਾਂ ਮੌਜੂਦ ਨਹੀਂ ਰਹੇਗਾ, ਅਤੇ ਪਾਈਪਾਂ ਉੱਪਰ AIO ਨੂੰ ਸਹਿਯੋਗ ਨਹੀਂ ਰਹੇਗਾ।

ctmpc ਇੱਕ ਪੁਰਾਣਾ ਡਰਾਈਵਰ ਹੈ; ਭਾਵੇਂ, ਇਹ ਹਾਲੇ ਵੀ Red Hat Enterprise Linux 5 ਦੀ ਫਾਇਲ ਦੁਆਰਾ ਸ਼ਾਮਿਲ ਕੀਤਾ ਹੈ। ਯਾਦ ਰੱਖੋ ਇਹ ਆਉਣ ਵਾਲੇ ਰੀਲੀਜ਼ਾਂ ਦੁਆਰਾ ਹਟਾਇਆ ਜਾਏਗਾ।

Red Hat Enterprise Linux 5 ਹੁਣ ਪਾਲਿਸੀ ਮੈਡਿਊਲ ਅਤੇ semanage ਨੂੰ ਸਹਿਯੋਗ ਦਿੰਦਾ ਹੈ। ਪਾਲਿਸੀ ਮੈਡਿਊਲ ਪਾਲਿਸੀ ਪਸੰਦ ਅਤੇ ਤੀਜੀ-ਪਾਰਟੀ ਪਾਲਿਸੀਆਂ ਨੂੰ semodule ਅਤੇ checkmodule ਜੰਤਰ ਵਰਤ ਕੇ ਬਣਾਉਣ ਅਤੇ ਡਿਸਟਰੀਬਿਊਸ਼ਨ ਲਈ ਸੌਖਾ ਕਰਦਾ ਹੈ।

semanage ਜੰਤਰ ਇੱਕ ਪਾਲਿਸੀ ਮੈਨੇਜਮੈਂਟ ਜੰਤਰ ਹੈ ਜੋ SELinux ਸੰਰਚਨਾ ਤਬਦੀਲ ਕਰਦਾ ਹੈ। ਇਹ ਲੀਨਕਸ-ਤੋਂ-SELinux ਲਈ ਫਾਇਲ ਪ੍ਰਸੰਗ, ਨੈੱਟਵਰਕਿੰਗ ਕੰਪੋਨੈਂਟ ਲੈਬਲਿੰਗ, ਅਤੇ ਉਪਭੋਗੀ ਮੈਪਿੰਗ ਵੀ ਸੰਰਚਿਤ ਕਰ ਵਿੱਚ ਸਹਿਯੋਗੀ ਹੈ।

raw ਜੰਤਰ ਇੰਟਰਫੇਸ Red Hat Enterprise Linux 5 ਵਿੱਚ ਛੱਡੀ ਗਈ ਹੈ; raw ਜੰਤਰ ਮੈਪਿੰਗ ਹੁਣ udev ਨਿਯਮ ਮੁਤਾਬਿਕ ਸੰਰਚਿਤ ਕੀਤੀ ਗਈ ਹੈ।

raw ਜੰਤਰ ਮੈਪਿੰਗ ਸੰਰਚਿਤ ਕਰਨ ਲਈ, ਹੇਠਲੇ ਫਾਰਮੈਟ ਦੀ ਤਰਾਂ /etc/udev/rules.d/60-raw.rules ਵਿੱਚ ਐਂਟਰੀ ਦਿਓ:

<device name> ਨੂੰ ਜੰਤਰ ਜੋ ਤੁਸੀਂ ਜੋੜਨਾ ਹੈ, ਦੇ ਨਾਂ ਨਾਲ ਤਬਦੀਲ ਕਰੋ (ਉਦਾਹਰਨ ਲਈ, /dev/sda1)। "A" ਅਤੇ "B" ਜੁੜਨ ਵਾਲੇ ਜੰਤਰ ਦਾ ਮੁੱਖ / ਆਮ ਨੰਬਰ ਹੈ, ਅਤੇX ਇੱਕ raw ਜੰਤਰ ਨੰਬਰ ਹੈ ਜੋ ਤੁਸੀਂ ਸਿਸਟਮ ਲਈ ਵਰਤਣਾ ਹੈ।

ਜੇ ਤੁਹਾਡੇ ਕੋਲ ਵੱਡੀ, ਪਹਿਲਾਂ-ਮੌਜੂਦ /etc/sysconfig/rawdevices ਫਾਇਲ ਹੈ, ਇਸ ਨੂੰ ਹੇਠਲੀ ਸਕਰਿਪਟ ਨਾਲ ਤਬਦੀਲ ਕਰੋ:

#!/bin/sh

grep -v "^ *#" /etc/sysconfig/rawdevices | grep -v "^$" | while read dev major minor ; do
        if [ -z "$minor" ]; then
                echo "ACTION==\"add\", KERNEL==\"${major##/dev/}\", RUN+=\"/usr/bin/raw $dev %N\""
        else
                echo "ACTION==\"add\", ENV{MAJOR}==\"$major\", ENV{MINOR}==\"$minor\", RUN+=\"/usr/bin/raw $dev %M %m\""
        fi
done

Red Hat Enterprise Linux 5 iSCSI HBA (ਹੋਸਟ ਬੱਸ ਅਡਾਪਟਰ) ਦੀ QLogic ਫੈਮਿਲੀ ਨੂੰ ਸਹਿਯੋਗ ਦਿੰਦਾ ਹੈ। ਮੌਜੂਦਾ ਰੂਪ ਵਿੱਚ, ਇਹਨਾਂ ਬੋਰਡਾਂ ਲਈ ਸਿਰਫ iSCSI ਇੰਟਰਫੇਸ ਹੀ ਸਹਿਯੋਗੀ ਹਨ (qla4xxx ਡਰਾਈਵਰ ਵਰਤ ਕੇ)।

ਨਾਲ ਹੀ, Red Hat ਇਹਨਾ ਬੋਰਡਾਂ ਨੂੰ ਈਥਰਨੈੱਟ NIC ਤੌਰ ਤੇ ਸਹਿਯੋਗ ਨਹੀਂ ਦਿੰਦਾ, ਕਿਉਂਕਿ ਇਸ ਦੇ ਲਈ qla3xxx ਡਰਾਈਵਰ ਦੀ ਲੋੜ ਹੈ। ਇਹ ਮੁੱਦਾ Red Hat Enterprise Linux 5 ਦੇ ਆਉਣ ਵਾਲੇ ਰੀਲੀਜ਼ ਵਿੱਚ ਹੱਲ ਕੀਤਾ ਜਾਏਗਾ।

ਚੋਣਵੇਂ ਰੂਪ IBM System z ਹਦਾਇਤਾਂ ਨੂੰ 31-ਬਿੱਟ ਕਾਰਜਾਂ ਲਈ ਲਾਗੂ ਕਰਨ ਵਾਸਤੇ, ਇਹ ਸਿਫਾਰਸ਼ ਕੀਤੀ ਜਾਂਦੀ ਹੈ ਕਿ ਤੁਸੀਂ gcc ਚੋਣ -march=z900 ਵਰਤੋ। 64-ਬਿੱਟਕਰਾਜਾਂ ਲਈ, gcc IBM System z ਹਦਾਇਤਾਂ ਨੂੰ ਮੂਲ ਹੀ ਲਾਗੂ ਕਰੇਗਾ।

ਲੀਨਕਸ ਲਈ iSeries ODBC ਡਰਾਈਵਰ ਨੂੰ ਲੀਨਕਸ ਲਈ iSeries ਪਹੁੰਚ ਨਾਲ ਤਬਦੀਲ ਕੀਤਾਂ ਗਿਆ ਹੈ, ਜਿਸ ਨੂੰ ਹੇਠਲੇ ਸੰਬੰਧ ਤੋਂ ਡਾਊਨਲੋਡ ਕੀਤਾ ਜਾ ਸਕਦਾ ਹੈ:

http://www.ibm.com/eserver/iseries/access/linux/

ਲੀਨਕਸ ਲਈ iSeries ਪਹੁੰਚ ਵਿੱਚ iSeries ਸਰਵਰਾਂ ਲਈ ਲੀਨਕਸ-ਅਧਾਰਿਤ ਪਹੁੰਚ ਸ਼ਾਮਿਲ ਕੀਤੀ ਗਈ ਹੈ, ਅਤੇ ਤੁਹਾਨੂੰ ਇਹਨਾਂ ਲਈ ਮਨਜੂਰੀ ਦਿੰਦੀ ਹੈ:

Red Hat Enterprise Linux ਹੁਣ IBM Power4 iSeries ਨੂੰ ਸਹਿਯੋਗ ਨਹੀਂ ਦਿੰਦਾ।

Red Hat Enterprise Linux 5 ਉੱਪਰ, ਅੱਪਡੇਟ ਕੀਤੇ ਕਰਨਲ ਮੈਡਿਊਲ ਪੈਕੇਜ ਬਣਾਉਣੇ ਸੰਭਵ ਹਨ ਜੋ ਮੌਜੂਦਾ ਕਰਨਲ ABI ਵਰਜਨ ਉੱਪਰ ਨਿਰਭਰ ਕਰਦੇ ਹਨ ਅਤੇ ਕਿਸੇ ਖਾਸ ਕਰਨਲ ਰੀਲੀਜ਼ ਨੰਬਰ ਤੇ ਨਹੀਂ। ਇਸ ਨਾਲ ਕਰਨਲ ਮੈਡਿਊਲ ਬਣਾਉਣ ਦੀ ਸਹੂਲਤ ਮਿਲਦੀ ਹੈ ਜੋ Red Hat Enterprise Linux 5 ਕਰਨਲਾਂ ਨਾਲ ਵਰਤੇ ਜਾ ਸਕਦੇ ਹਨ, ਨਾ ਕਿ ਇਕੱਲੇ ਰੀਲੀਜ਼ ਨਾਲ। http://www.kerneldrivers.org/ ਉੱਪਰ ਪਰੋਜੈਕਟ ਵੈੱਬਸਾਈਟ ਵਿੱਚ ਪੈਕੇਜ ਕਾਰਜ ਬਾਰੇ ਵਧੇਰੇ ਜਾਣਕਾਰੀ ਹੈ ਅਤੇ ਕੁਝ ਉਦਾਹਰਨਾਂ ਵੀ ਹਨ।

ਯਾਦ ਰੱਖੋ ਕਿ ਹੇਠਲੇ ਮੁੱਦੇ ਲੱਭੇ ਗਏ ਹਨ:

ਇਹ ਮੁੱਦੇ Red Hat Enterprise Linux 5 ਦੇ ਆਉਣ ਵਾਲੇ ਅੱਪਡੇਟ ਵਿੱਚ ਹੱਲ ਕੀਤੇ ਜਾਣਗੇ।

Red Hat Enterprise Linux 5 ਉੱਪਰ ਮੈਡਿਊਲ ਲੋਡ ਹੋਣ ਦਾ ਤਰੀਕਾ Red Hat Enterprise Linux ਦੇ ਪਿਛਲੇ ਵਰਜਨ ਨਾਲੋਂ ਤਬਦੀਲ ਹੋ ਗਿਆ ਹੈ। Red Hat Enterprise Linux 5 ਕਰਨਲ ਪੈਕੇਜ ਨਾਲ ਦਿੱਤੇ ਮੈਡਿਊਲ ਦਸਤਖਤ ਕੀਤੇ ਹਨ, ਜਿਵੇਂ ਕਿ Red Hat Enterprise Linux 4 ਵਿੱਚ ਸਨ। Red Hat Enterprise Linux 5 ਕਰਨਲ ਉੱਪਰ, ਭਾਵੇਂ, ਹੋਰ ਕਰਨਲ ਬਿਲਡ ਤੋਂ ਦਸਤਖਤ ਵਾਲੇ ਮੈਡਿਊਲ ਲੋਡ ਕਰਨੇ ਸੰਭਵ ਨਹੀਂ ਹਨ।

ਇਸ ਦਾ ਮਤਲਬ ਹੈ ਕਿ ਮੈਡਿਊਲ ਜੋ ਸ਼ੁਰੂਆਤੀ Red Hat Enterprise Linux 5 ਡਿਸਟਰੂਬਿਊਸ਼ਨਨਾਲ ਦਿੱਤੇ ਗਏ ਸਨ, ਨੂੰ ਆਉਣ ਵਾਲੇ ਅੱਪਡੇਟ ਕਰਨਲ ਵਿੱਚ ਲੋਡ ਨਹੀਂ ਹੋ ਸਕਣਗੇ। ਇਸ ਨਾਲ ਉਪਭੋਗੀ ਨਾ-ਸਹਿਯੋਗੀ ਮੈਡਿਊਲਾਂ ਨੂੰ ਸਿਸਟਮ ਉੱਪਰ ਲੋਡ ਕਰਨ ਤੋਂ ਰੋਕਦਾ ਹੈ। Red Hat ਸਿਰਫ ਉਹਨਾ ਮੈਡਿਊਲਾਂ ਲਈ ਸਹਿਯੋਗੀ ਹੈ ਜੋ ਡਿਸਟਰੀਬਿਊਸ਼ਨ ਵਿੱਚ ਸ਼ਾਮਿਲ ਹਨ ਅਤੇ ਦਸਤਖਤ ਕੀਤੇ ਹਨ।

ਜੇ ਤੁਸੀਂ ਪੁਰਾਣੇ ਮੈਡਿਊਲ਼ ਲੋਡ ਕਰਨੇ ਚਾਹੁੰਦੇ ਹੋ, ਤੁਸੀਂ ਇਸ ਨੂੰ ਦਸਤਖਤ ਤੇਂ ਬਿਨਾਂ ਮੁੜ-ਬਿਲਡ ਕਰ ਸਕਦੇ ਹੋ। ਜਾਂ ਫਿਰ, ਤੁਸੀਂ ਬਾਇਨਰੀ ਫਾਇਲ ਵਿੱਚੋਂ ਹੇਠਲੀ ਕਮਾਂਡ ਨਾਲ ਦਸਤਖਤ ਹਟਾ ਸਕਦੇ ਹੋ:

objcopy -R .module_sig <module name>-mod.ko <module name>-nosig.ko

ਇਹ ਸਿਫਾਰਸ਼ ਕੀਤੀ ਜਾਂਦੀ ਹੈ ਕਿ ਤੁਸੀਂ ਨਾ-ਦਸਤਖਤ ਕੀਤਾ ਮੈਡਿਊਲ ਲੋਡ ਕਰਨ ਤੋਂ ਪਹਿਲਾਂ Red Hat ਗਲੋਬਲ ਸਪੋਰਟ ਨਾਲ ਸੰਪਰਕ ਕਰੋ।

ਇਸ ਰੀਲੀਜ਼ ਵਿੱਚ SCIM (Simple Common Input Method) ਦੁਆਰਾ ਫੇਡੋਰਾ ਕੋਰ ਵਿੱਚ ਏਸ਼ੀਅਨ ਅਤੇ ਹੋਰ ਭਾਸ਼ਾਵਾਂ ਲਈ ਇੰਨਪੁੱਟ ਸਿਸਟਮ ਦੇ ਤੌਰ ਤੇ IIIMF ਨੂੰ ਹਟਾਇਆ ਗਿਆ ਹੈ। SCIM ਲਈ ਮੂਲ GTK ਇੰਨਪੁੱਟ ਵਿਧੀ ਮੈਡਿਊਲ scim-bridge ਦਿੱਤਾ ਗਿਆ ਹੈ; Qt ਵਿੱਚ, ਇਹ scim-qtimm ਦੁਆਰਾ ਦਿੱਤਾ ਗਿਆ ਹੈ।

ਹੇਠਾਂ ਵੱਖ-ਵੱਖ ਭਾਸ਼ਾਵਾਂ ਲਈ ਮੂਲ ਟਰਿੱਗਰ ਹਾਟ-ਕੀ ਹਨ:

ਜੇ SCIM ਇੰਸਟਾਲ ਹੈ, ਇਹ ਸਭ ਉਪਭੋਗੀਆਂ ਲਈ ਮੂਲ ਹੀ ਚਲਦਾ ਹੈ।

SCIM ਇੰਜਣ ਪੈਕੇਜ ਇੰਸਟਾਲ ਕਰਨ ਜਾਂ ਹਟਾਉਣ ਤੋਂ ਬਾਅਦ, SCIM ਭਾਸ਼ਾ ਮੇਨੂ ਵਿੱਚ ਤਬਦੀਲੀਆਂ ਲਾਗੂ ਕਰਨ ਲਈ ਨਵਾਂ ਡਿਸਕਟਾਪ ਸ਼ੈਸ਼ਨ ਚਲਾਉਣ ਦੀ ਸਿਫਾਰਸ ਕੀਤੀ ਜਾਂਦੀ ਹੈ।

ਕੁਝ ਏਸ਼ੀਅਨ ਭਾਸ਼ਾਵਾਂ ਲਈ ਵਾਧੂ ਭਾਸ਼ਾ ਸਹਿਯੋਗ ਯੋਗ ਕਰਨ ਲਈ, ਤੁਹਾਨੂੰ ਜਰੂਰੀ ਭਾਸ਼ਾ ਸਹਿਯੋਗ ਪੈਕੇਜ ਇੰਸਟਾਲ ਕਰਨਾ ਪਵੇਗਾ। ਹੇਠਾਂ ਇਹਨਾਂ ਭਾਸ਼ਾਵਾਂ ਦੀ ਸੂਚੀ ਹੈ ਅਤੇ ਕਮਾਂਡ ਹੈ ਜੋ ਭਾਸ਼ਾ ਸਹਿਯੋਗ ਪੈਕੇਜ ਇੰਸਟਾਲ ਕਰਨ ਲਈ ਚਲਾਉਣ (ਪਰਬੰਧਕ ਤੌਰ ਤੇ) ਦੀ ਲੋੜ ਹੈ:

ਇਹ ਵੀ ਸਿਫਾਰਸ਼ ਕੀਤੀ ਜਾਂਦੀ ਹੈ ਕਿ ਤੁਸੀਂ scim-bridge-gtk ਅਤੇ scim-qtimm ਇੰਸਟਾਲ ਕਰੋ ਜਦੋਂ ਵਾਧੂ ਭਾਸ਼ਾ ਸਹਿਯੋਗ ਯੋਗ ਕਰਦੇ ਹੋ। scim-bridge-gtk ਪੈਕੇਜ ਤੀਜੀ ਪਾਰਟੀ ਕਾਰਜਾਂ ਜੋ libstdc++ ਦੇ ਪੁਰਾਣੇ ਵਰਜਨਾਂ ਨਾਲ ਸੰਬੰਧਿਤ ਹਨ, ਦੇ ਸੰਭਵ ਬਾਇਨਰੀ ਪ੍ਰਤੀਰੋਧਾਂ ਤੋਂ ਬਚਾਉਂਦਾ ਹੈ।

ਯਾਰ ਰੱਖੋ ਕਿ ਵਾਧੂ ਭਾਸ਼ਾ ਸਹਿਯੋਦ ਪੈਕ ਵੀ OpenOffice (openoffice.org-langpack-<language code>_<locale>) ਅਤੇ KDE (kde-i18n-<language>) ਲਈ ਉਪਲੱਬਧ ਹਨ। ਇਹ ਪੈਕੇਜ yum ਦੁਆਰਾ ਵੀ ਇੰਸਟਾਲ ਕੀਤੇ ਜਾ ਸਕਦੇ ਹਨ।

ਨਵਾਂ ਉਪਭੋਗੀ ਸੰਰਚਨਾ ਜੰਤਰ ਜਿਸ ਨੂੰ im-chooser ਕਹਿੰਦੇ ਹਨ ਸ਼ਾਮਿਲ ਕੀਤਾ ਗਿਆ ਹੈ, ਜੋ ਤੁਹਾਨੂੰ ਆਪਣੇ ਡਿਸਕਟਾਪ ਉੱਪਰ ਇੰਨਪੁੱਟ ਵਿਧੀ ਯੋਗ ਜਾਂ ਅਯੋਗ ਕਰਨ ਵਿੱਚ ਸਹਿਯੋਗ ਦਿੰਦਾ ਹੈ। ਇਸ ਲਈ ਜੋ SCIM ਇੰਸਟਾਲ ਹੈ ਪਰ ਤੁਸੀਂ ਇਸ ਨੂੰ ਆਪਣੇ ਡਿਸਕਟਾਪ ਤੇ ਵਰਤਣਾ ਨਹੀਂ ਚਾਹੁੰਦੇ, ਤੁਸੀਂ ਇਸ ਨੂੰ im-chooser ਵਰਤ ਕੇ ਅਯੋਗ ਕਰ ਸਕਦੇ ਹੋ।

X ਸ਼ੁਰੂਆਤੀ ਸਮੇਂ, xinput.sh ਹੁਣ ~/.xinputrc ਜਾਂ /etc/X11/xinit/xinputrc ਮੁਹੱਈਆ ਕਰਦੀ ਹੈ ਨਾ ਕਿ ~/.xinput.d/ ਜਾਂ /etc/xinit/xinput.d/ ਅਧੀਨ ਸੰਰਚਨਾ ਫਾਇਲਾਂ ਦੀ ਖੋਜ।

Red Hat Enterprise Linux 5 ਵਿੱਚ ਫਾਇਰਫਾਕਸ ਪੈਂਗੋ ਨਾਲ ਬਣਿਆ ਹੈ, ਜੋ ਕਈ ਸਕਰਿਪਟਾਂ, ਜਿਵੇਂ Indic ਅਤੇ ਕੁਝ CJK ਸਕਰਿਪਟਾਂ ਲਈ ਵਧੀਆ ਸਹਿਯੋਗ ਦਿੰਦਾ ਹੈ।

ਪੈਂਗੋ ਦੀ ਵਰਤੋਂ ਅਯੋਗ ਕਰਨ ਲਈ, ਫਾਇਰਫਾਕਸ ਚਲਾਉਣ ਤੋਂ ਪਹਿਲਾਂ MOZ_DISABLE_PANGO=1 ਨਿਰਧਾਰਤ ਕਰੋ।

ਸਹਿਯੋਗ ਹੁਣ ਫੌਂਟਾਂ ਦੀ synthetic emboldening ਉਪਲੱਬਧ ਹੈ, ਜਿਸ ਵਿੱਚ ਬੋਲਡ ਫੇਸ ਨਹੀਂ ਹੈ।

ਚੀਨੀ ਲਈ ਨਵੇਂ ਫੌਂਟ ਸ਼ਾਮਿਲ ਕੀਤੇ ਗਏ ਹਨ: AR PL ShanHeiSun Uni (uming.ttf) ਅਤੇ AR PL ZenKai Uni (ukai.ttf)। ਮੂਲ ਫੌਂਟ ਹੈ AR PL ShanHeiSun Uni, ਜਿਸ ਵਿੱਚ ਬਿੱਟਮੈਪ ਮੌਜੂਦ ਹਨ। ਜੇ ਤੁਸੀਂ ਆਊਟਲਾਈਨ glyphs ਨੂੰ ਤਰਜੀਹ ਦਿੰਦੇ ਹੋ, ਤਾਂ ਤੁਸੀਂ ਆਪਣੀ ~/.font.conf ਫਾਇਲ ਵਿੱਚ ਹੇਠਲਾ ਹਿੱਸਾ ਸ਼ਾਮਿਲ ਕਰ ਸਕਦੇ ਹੋ:

<fontconfig>
  <match target="font">
    <test name="family" compare="eq">
      <string>AR PL ShanHeiSun Uni</string>
    </test>
    <edit name="embeddedbitmap" mode="assign">
      <bool>false</bool>
    </edit>
  </match>
</fontconfig>                                
                        

Gtk2 context ਮੇਨੂ IM ਸਬਮੇਨੂ ਹੁਣ ਮੂਲ ਰੂਪ ਵਿੱਚ ਨਹੀਂ ਦਿਸੇਗਾ। ਤੁਸੀਂ ਇਸ ਨੂੰ ਹੇਠਲੀ ਕਮਾਂਡ ਨਾਲ ਕਮਾਂਡ ਲਾਈਨ ਤੇ ਯੋਗ ਕਰ ਸਕਦੇ ਹੋ:

gconftool-2 --type bool --set '/desktop/gnome/interface/show_input_method_menu' true

CJK (ਚੀਨੀ, ਜਪਾਨੀ, ਅਤੇ ਕੋਰੀਅਨ) ਰੈਂਡਰਿੰਗ ਸਹਿਯੋਗ ਐਨਾਕਾਂਡਾ ਪਾਠ ਇੰਸਟਾਲੇਸ਼ਨ ਵਿੱਚੋਂ ਹਟਾਇਆ ਗਿਆ ਹੈ। ਪਾਠ ਇੰਸਟਾਲੇਸ਼ਨ ਵਿਧੀ ਲੰਬੇ ਸਮੇਂ ਲਈ ਛੱਡੀ ਗਈ ਹੈ, ਕਿਉਂਕਿ GUI ਇੰਸਟਾਲੇਸ਼ਨ, VNC ਅਤੇ ਕਿੱਕਸਟਾਰਟ ਵਿਧੀਆਂ ਨੂੰ ਤਰਜੀਹ ਦਿੱਤੀ ਗਈ ਹੈ।

ਹੇਠਲੇ ਪੈਕੇਜ ਛੱਡੇ ਗਏ ਹਨ ਅਤੇ Red Hat Enterprise Linux ਵਿੱਚੋਂ ਕੱਢਣ ਲਈ ਚੁਣੇ ਗਏ ਹਨ:

ਇਹ ਪੈਕੇਜ gtk2 ਸਟੈਕ ਦੇ ਸਹਿਯੋਗ ਲਈ ਛੱਡੇ ਜਾਣਗੇ, ਜਿਸ ਨਾਲ ਖਾਸ ਕਰਕੇ ਇੰਟਰਨੈਸ਼ਨਲਾਈਜੇਸ਼ਨ ਅਤੇ ਫੌਂਟ ਪਰਬੰਧਨ ਵਿੱਚ ਵਧੀਆ ਕਾਰਜਕੁਸ਼ਲਤਾ ਹੁੰਦੀ ਹੈ।

ਜੇ ਤੁਸੀਂ ਕੰਸੋਲ ਉੱਪਰ ਚੀਨੀ, ਜਪਾਨੀ, ਜਾਂ ਕੋਰੀਅਨ ਵੇਖਣੀ ਚਾਹੁੰਦੇ ਹੋ, ਤਾਂ ਤੁਹਾਨੂੰ ਫਰੇਮ-ਬਫਰ ਸੈੱਟਅੱਪ ਕਰਨਾ ਹਵੇਗਾ; ਬਾਅਦ ਵਿੱਚ, bogl-bterm ਇੰਸਟਾਲ ਕਰੋ, ਅਤੇ ਫਰੇਮ-ਬਫਰ ਉੱਪਰ bterm ਚਲਾਓ।